NBA stjörnur vilja handbolta

Carmelo Anthony sagði í viðtali stuttu eftir Olympíuleikanna 2008 að honum myndi mikið langa til þess að spila handbolta og vill meina að þeir (USA) ættu fullt af íþróttamönnum til þess að geta spilað íþróttina. Ég ætlaði að koma með video úr viðtalinu við Carmelo en svo virðist sem því hafi því miður verið eytt af Youtube. En ég er hins vegar með video þegar stjörnuleikmaðurinn Dwight Howard var spurður úti yfirlýsingu Carmelos. Hann er spurður að þessu og svarar á 2:40 - 3:05 á videoinu hér að neðan. 

 

Dwight líkt og í viðtalinu við Carmelo sagði að hann hefur trú á því að þeir séu líkamlega sterkari, sneggri og skotfastari en evrópsku leikmennirnir. Með réttri handbolta æfingu gætu þeir vel höndlað handboltann.

Þess má geta að Bandaríska körfuboltalandsliðið hitti íslenska handboltalandsliðið á Ólympíuleikunum í Peking 2008 í Ólympíuþorpinu, svo það er spurning hvort þeir hafi vaknað yfir handboltanum vegna þess.

Ég hef sjálfur ekki æft handbolta af neinu viti, en þetta er skemmtileg pæling til þess að pæla í, sérstaklega fyrir þá sem fíla NBA deildina.

-

Meira fyrir þá sem fylgjast með NBA

Annars gerði ég hér að neðan að gamni mínu að stilla upp handboltaliði skipað NBA leikmönnum. Þeir þyrftu auðvitað að fá handknattleiksþjálfun og auka boltatækni þeirra, en að mínu mati held ég að þeir séu yfirburðar íþróttamenn flestir af þeim, miðað við þá sem við sjáum á handboltavellinum núna.

-

Það væri svo skipað... ( þeir sem eru undirstrikaðir eru þeir gætu verið í flerri en einni stöðu)

-

Hægra Horn  -  :  Brandon Jennings(1,85m, 77kg), Delonte West(1,91m, 82kg), Derek Fisher(1,85m, 95kg) .(Erfiðast að finna í þessa stöðu)

Jennings valdi ég helst útaf hraðanum, hinir tveir eru heldur hægari

Hægri Skytta   -  : Josh Smith(2,06m, 102kg), Chris Bosh(2,10m, 107kg), Lamar Odom(2,08m, 105kg), Thaddeus Young(2,03m, 100kg).

Allt menn yfir 2 metra, mjög hreyfanlegir og góðir líkamlega, alls ekki klaufalegir.

-

(Allt auðvitað örvhentir hægra megin)

Leikstjórnandi  -   : Lebron James(2,03m 120kg), Derrick Rose(1,91m, 87kg), Russel Westbrook(1,91m, 85kg), Deron Williams(1,91m, 95kg).

Allt menn með gott auga og góðir að finna glufur, allavega í körfuboltaleik. Leikmenn eins og Lebron James, Derrick Rose og Russel Westbrook allt gríðarlega góðir íþróttamenn, líkamlega sterkir með rosalegar snerpuhreyfingar, gætu plummað sig vel.

-

Vinstri skytta  -  :  Dwyane Wade(1,93m, 103kg) Lebron James(2,03m 120kg), Amare Stoudemire(2,10m, 118kg) , Derrick Rose(1,91m, 87kg) , Blake Griffin(2,07m, 115kg)

Fyrst og fremst góðir íþróttamenn, Dwyane Wade líkt og þeir sem ég nefndi að ofan í leikstjórnanda stöðunni með ótrúlegar snerpuhreyfingar, styrk og stökkkraft

-

Vinstra Horn  -   : Derrick Rose (1,91m, 87kg), Russell Westbrook(1,91m, 85kg) , Rajon Rondo(1,85m, 85kg), Dwyane Wade (1,93m, 103kg)

Hraði, hraði og aftur hraði, þessir kæmu til með að keyra áfram hraðaupphlaupin

-

Línumenn  -   :  Dwight Howard (2,11m, 124kg) , Kevin Love(2,06m, 108kg), Blake Griffin (2,07, 115kg).

Allir líkamlega sterkir, gríðarlega góðar hendur og geta gripið alla bolta, eru einir af fremstu frákösturum NBA deildarinnar. Kevin Love væri líklega bestur af þeim því að hann er með þyngdarpunktinn neðst af þessum 3.

-

Mögulegir varnarmenn - : Tyson Chandler(2,15m, 109kg), Emeka Okafor(2,08m 117kg), Ron Artest(2,00m, 118kg).

Stórir og stæðilegir, ekki mikið sem ég gat sagt. Mættu vera með þyngdarpunktinn neðar, var erfitt að finna þannig leikmann.

-

Markmaður  -  :  Gat auðvitað ekki valið um hann.

-

En þetta er auðvitað bara úti loftið. Annars held ég að þeir gætu nú þegar verið gríðarlega snöggir, hávaxnir og hreyfanlegir í vörninni og rofið samspil andstæðingana mikið. Þeir gætu verið eitraðir í hraðarupphlaupum með þessa menn.

Danir eru Evrópumeistarar 2012

Athugasemdir

[Kalli (IP-tala skráð) 29.1.2012 kl. 21:01]

Skemmtilegar pælingar.

Spurning hvort Sverre og Ingimundur myndu ráða við Shaq á línunni?

Ég held að hvaða landslið sem er gæti ekki auðveldlega skorað fram hjá varnarmúr með meðalhæð upp á 2.10, með risahendur og geta hoppað eins og ég veit ekki hvað.

Ef Bandaríkin leggja smá á sig mun handbolti ekki verða spennandi eftir 10 ár