Rebound

17.10.2011 | 14:00

Andre Drummond, næsti stjörnumiðherji NBA

Útsendarar NBA liða eru gríðarlega hrifnir af hinum 18 ára gamla Andre Drummond( fæddur 10.ágúst, 1993) sem mun spila sitt fyrsta ár í háskólaboltanum með Connecticut háskólanum, en sá skóli vann einmitt háskólaboltann í fyrra. Menn eru á þeirri skoðun að þarna sé gríðarlega mikið efni á ferð og líklega næsti "góði miðherjinn" til þess að fara inn í NBA deildinna.

Drummond verður að mati margra líklega valinn númer 1 í nýliðavali NBA árið 2012. Drummond sem er 2,11m(6'11) og 125kg(275lbs) hefur verið samanborið við báða Amar'e Stoudemire og Dwight Howard, en þó einna meira við Stoudemire.

Kostir í leik hans

Hann er maður meðal drengja þar sem hann spilar. Ótrúlega mikill og góður íþróttamaður miðað við stærð sína, er með um 40 tommu lóðréttan stökkkraft sem er rúmur 1m, sem er rúmlega sama stökkhæð og Dwight Howard er með. Drummond er mjög snöggur miðað við stærð og hefur hraða til að taka menn á þótt þeir gætu verið 12cm lægri en hann. Með góðar hendur, grípur boltan vel, getur set boltann á gólfið og dripplað vel miðað við stærð sína. Gríðarlega öflugur inní teig, góður frákastari, sýnir að hann er með góða tímasetningu til þess að verja skot af náttúrunnar hendi í bland við líkamlega hæfileika sína. Hefur alla burði til þess að geta orðið yfirgnæfandi leikmaður inní teig í framtíðinni. Formið á skotinu hans lítur vel út. Hann sýnir að hann hefur hæfileika til þess að geta þróað góðar sóknarhreyfingar nálægt körfunni.

Gallar

Hann á ennþá mikla vinnu fyrir höndum. Fékk mikið hype þegar hann var yngri sem er áhættusamt fyrir unga leikmenn. Spurning hvort hann er nægilega hungraður til þess að leggja hart að sér til að verða góður. Þyrfti að ná að geta farið frá körfunni og náð að skjóta skot þaðan með góðum stöðugleika.

Fróðleiksmoli

Notar amerísku skóstærðina 18 sem er stærð 54 á evrópskum mælikvarða.

Video

Video af Drummond í troðslukeppni Connecticut leikmanna(byrjar á 0:40). Eitt annað athyglisvert, síðasti leikmaðurinn í videoinu(Ryan Boatright) sem sýnir líka snilldar takta er aðeins 1.77m á hæð.